Ақтауда бомба туралы жалған хабарлама таратқан күдікті ұсталды

Оңалхан Өнерхан

Ақтауда бомба туралы жалған хабарлама таратқан күдікті ұсталды, деп хабарлады Elordainfo.kz Polisia.kz-ке сілтеме жасап.

Полицейлер «жарылғыш зат қойылды» деген жалған ақпарат таратқан күдікті ұсталды. Telegram мессенджеріндегі «1414» арнасына Ақтау қаласындағы сауда-ойын-сауық орталығында жарылғыш зат бар екені туралы хабарлама келіп түсті.

Аталған дерек бойынша Қазақстан Республикасы Қылмыстық кодексінің 273-бабы бойынша қылмыстық іс қозғалды. Киберқылмысқа қарсы іс-қимыл басқармасы жүргізген жедел іс-шаралар нәтижесінде терроризм актісі туралы көрінеу жалған хабарлама таратуға қатысы бар жасөспірім ұсталды. Күдікті уақытша ұстау изоляторына қамауға алынды.

Полиция терроризм актісі туралы жалған хабарлау — ауыр қылмыс, және ол үшін қылмыстық жауапкершілік көзделгенін ескеретеді. Тұрғындарды расталмаған және жалған ақпарат таратпауға, қоғамдық қауіпсіздікке қауіп төндіретін әрекеттерден сақ болуға шақырады.

#полиция