Елордалық спортшылар көркем жүзуден алтын медаль жеңіп алды

Фото: Астана қаласы әкімдігінен

Франция астанасы Парижде көркем жүзуден жылдың алғашқы әлем кубогы өз мәресіне жетті, деп хабарлады Elordainfo.kz.

Бұл беделді жарыста Астана қаласының спортшылары жасөспірімдер арасындағы командалық еркін бағдарлама бойынша жоғары нәтиже көрсетіп, алтын медаль иеленді. Команда сапында Ирина Говорухина, Ирада Исламова, Ясмина Исламова, Мақпал Қалмырзаева, Альбина Өмірсерікқызы мен Алдияр Рамазанов өнер көрсетті.

Осыған дейін де Астана спортшылары жарыста жоғары нәтиже көрсетіп, жекелеген бағдарламаларда жүлделі орындарға ие болды. Артур Майданов пен Валерия Столбунова жұбы, сондай-ақ Эдуард Ким тамаша өнер көрсетіп, күміс медаль еншіледі.

Айта кетейік, байрақты бәсекеге әлемнің 22 елінен 167 спортшы қатысты.